每個人都有自己嘅位置，和理非其中一樣最大嘅貢獻，就係做大黃色經濟圈。都唔好話用經濟力量取得話語權咁長遠嘞，淨係令自己洗錢洗得gur啲都已經「抵」啦💛。個人覺得有幾樣野要注意：
.
1）點定義黃店呢？我認為，老闆係黃，佢開嘅店已經可以算黃店。當然，如果佢有落手落腳派過水、捐過錢俾星火，當然係更加分啦，但唔應該調返轉頭，間鋪頭「好似」冇做過咩事幫手足，就話人哋係「藍扮黃」🌚。
.
2）一來，人哋做咗唔一定要周圍宣揚；二來，我哋係希望更加多同路人加入，而唔係不斷咁將「黃店」嘅standad 推高。依家就話要播《榮光》、set連儂牆先至算黃店，遲啲係唔係一定要捐錢、派水先算黃店？再遲啲係唔係要捐錢捐到某個限額，先叫夠黃？😑不如調返轉，用支持嘅角度，鼓勵同路黃店做多啲？
.
3）明白大家好撐由六月開始已經表態嘅黃店，當然啱啦，但我哋更加要大大力支持本身未表態嘅黃老闆企出嚟加入我哋。最傻嘅一件事，就係當越來越多同路人認同我哋嘅時候，我哋反而唔俾人加入😳，咁又點做大個餅呢？
.
4）至於藍扮黃嘅問題，老實講，其實我唔介意，退一萬步，甚至乎支持添，只要佢「扮」足全套，做返黃店要做嘅嘢就可以喇🤷🏻♀️。藍扮黃，正正就係代表到，我地呢邊先至係大多數，佢都要加入我哋，然後藍絲見到一街黃店、仲越來越多，就更加會被孤立。
.
5）見到某啲group 係咁捉鬼，話邊啲係扮黃店，我內心係無限白眼🙄，用呢啲力去做下文宣、推動更多人加入黃色經濟圈好過啦🙈總之捉鬼真係好浪費力量，又冇成本效益👿
.
6）至於發現某啲黃店嘅員工講埋晒啲藍絲嘢，我覺得又唔好因為咁就上網鬧臭間鋪頭扮黃，反而係唔係應該善意提醒個老闆，好好咁教育啲員工呢？🤫
.
7）「黃店」唔係免死金牌，老闆亦都應該要好好注意自己嘅服務質素😎，如果唔係啲人遲早見到「黃店」就唾棄。
.
8）除咗食店，亦都要擴大黃色經濟圈去其他唔同嘅範疇，總之各行各業都要搞💛
.
9）最後，當然邀請大家，除咗出名嘅黃店，更加應該懲罰、宣揚相對較少人識嘅黃店，咁樣個黃色經濟圈先可以繼續落去。👍🏻
.
#黃色經濟圈 #黃店 #偽黃 #扮黃
#圖片攝於某黃店
Search